தங்கபாலு எந்த விதத்தில் குறைச்சல்? (36)

காங்கிரஸ் கட்சியின் (இன்றைய) தமிழ் மாநிலத் தலைவர் தங்கபாலு, ம.தி.மு.க. தலைவர் குறித்து 'இந்தியராக இருக்க தகுதியில்லை' என்று சொன்ன கருத்து உண்மையிலேயே நகைச்சுவைக்குரிய வசனம் தான். காங்கிரஸ் கட்சியில் கோஷ்டியே கிடையாது, மஞ்சள் துண்டு அணிந்திருப்பது பகுத்தறிவுக் காரணம் தான், மருமகளின் திடீர் பெயர் மாற்றத்திற்கு காரணம் நியூமராலஜி இல்லை என்பதையெல்லாம் தாண்டிய உலக மகா ஜோக் என்பதில் மறு கருத்தில்லை.

ஆனால் உடனே 'இந்திய சர்டிபிகேட் வாங்க தங்கபாலுவை அணுகவும்' என்று சில கால்வேற்காடுகள் எழுத ஆரம்பித்து விட்டன. இது அதைத் தாண்டிய ஜோக்.

தட்சிணாமூர்த்திக்கே தமிழன் சர்ட்டிபிகேட் கொடுக்க உரிமை இருக்கும் போது தங்கபாலுவிற்கு இந்தியன் சர்ட்டிபிகேட் கொடுக்க தகுதி இருக்காதா என்ன?

எப்படீ? (22)

"உங்களையே நம்பி வந்திருக்கிற இத்தனை மக்களுக்கு நீங்க என்ன செய்யப்போறீங்க தலைவா?"

"இவ்வளவு நாளா என் கூடவே இருக்கிற உங்க மூணு பேருக்கும் என்னடா செஞ்சிருக்கேன்?"

"ஒண்ணுமே செய்யலயே"

"அதே தான்டா அவங்களுக்கும்"

- அசால்ட் ஆறுமுகம் எனும் தட்சிணாமூர்த்தி

பந்த் Vs. ஹர்த்தால் (15)

நியூஸ் பேப்பரை படிச்ச உடனே தலை கிர்ருன்னு சுத்துதுப்பா.

பந்த்ன்னா என்ன ஹர்த்தால்ன்னா என்னன்னு யாராச்சும் தூய தமிழிலே விளக்கம் கொடுங்களேன்.

இன்னைக்கு ம.வெ. ராமதாசூ ஒரு விளக்கம் கொடுத்திருக்காரு. அத படிச்ச உடனே நம்ம தட்சிணாமூர்த்தி நொந்து நூடுல்ஸ் ஆயிருப்பாருன்றது சர்வ நிச்சயம்.

"அடப்பாவிகளா, தூய தமிழ்ன்னு நாம தான் இவ்வளவு நாள் ப்லிம் காட்டிக்கிட்டிருந்தோம், இந்தாளு நமக்கே ஓவர் ப்லிம் காட்டுரானே"ன்னு பொலம்பித்தள்ளியிருப்பாரு.

http://thatstamil.oneindia.in/news/2009/02/02/tn-we-are-holding-hartal-not-bandh-ramadoss.html

http://thatstamil.oneindia.in/news/2009/02/01/tn-govt-says-bandh-is-illegal.html

'துர்கா' போய் 'சாந்தா'(14)

எனக்குத் தெரிந்த ஒருவரின் மனைவியின் பெயர் 'துர்கா'. அவருக்கு திருமணம் ஆகி பல வருடங்கள் ஆகி விட்டன. பேரக்குழந்தைகுளும் பிறந்தாச்சு. இப்போது திடீரென சொல்லாமல் கொள்ளாமல், மனைவியின் பெயரை 'சாந்தா' என்று மாற்றிவிட்டிருக்கிறார்.

இது தெரியாமல் 'இது யாருப்பா சாந்தா? ரெண்டாவது கல்யாணம் கட்டியாச்சா?' என்று கேட்டேன்.

'அதெல்லாம் இல்லை. துர்கா என்பது பல ஆயுதங்களை தாங்கி நிற்கும் கடவுளின் பெயர். அதை மாற்றி சாந்தமான அம்மனின் பெயர் வேண்டும் என்று என்னுடைய தந்தை விருப்பப்பட்டார். அதனால் தான் மாற்றியிருக்கிறேன்' என்றார் நண்பர்.

அவரது தந்தை ஒரு பகுத்தறிவு'வியாதி'. எனவே அப்படி சொல்லியிருப்பதில் வியப்பில்லை!

'பகுத்தறிவில இதெல்லாம் சாதாரணமப்பா!

சம்திங் ராங்க்! (5)

ஒரு பொம்பளையும் பொம்பளையும் சேர்ந்து இருந்தா கண்டபடி பேசுறானுங்களே. அதுவே சதா சர்வகாலமும் கூடவே ஒரு ஆளு தேவைப்பட்டுகிட்டே இருக்கே? 'உங்க சாவகாசமே வேணாம்னு' சொல்லிட்டு ஓடிப்போற ஆளக்கூட கூடவே போய் கெஞ்சி கூத்தாடி திரும்ப கொண்டு வர்றாங்களே. அது ஏன்னு யாராச்சும் கேள்வி கேக்குறீங்களா? சம்திங் ராங்க்!

கேள்வி(யும் நானே), பதில்(-ம் நானே) (4)

பத்திரிகையாளர்களை என்ன தான் திட்டினாலும், காறித் துப்பினாலும், நீதான்டா கொலைகாரன் என்று புழுதி வாறித் தூற்றினாலும் அவர்கள் எதற்கும் அசராமல் அடுத்த தபா பார்க்கும் போது என்னை கோபமூட்டும்படியான கேள்விகளை கேட்டுத் தொலைக்கிறார்கள். பத்திரிகையாளர்களுக்கு நான் ரொம்ப நெருக்கம் என்ற ஒரு இமேஜை என்னுடைய அல்லைக்கை பத்திரிகையாளர்களைக் கொண்டு உருவாக்கி வைத்திருக்கிறேன். இருந்தாலும் அதெல்லாம் செல்லுபடியாகவில்லை. எனவே அடிக்கடி, அதுவும் எனக்கு பிரச்னை என்று வரும் போதெல்லாம் எனக்கு நானே கேள்வி கேட்டு அதற்கு பதிலாக அனைவரையும் திட்டி எழுதுவேன் என்று அறிவித்துக் கொள்கிறேன்.

நேரடியாக பத்திரிகையாளர்களை சந்திக்கும் போதெல்லாம் நான் டென்ஷனாகிவிடுவதால் இந்த ஏற்பாடு. ஆனால் நான் பத்திரிகையாளர்களுக்கு ரொம்ப நெருக்கமாக்கும்!

டேட்டா பேஸ் (3)

நாட்டுல இருக்கிற அத்தனை கட்சியிலயும் இருக்கிற அத்தனை பேரோட ஜாதி என்ன அவங்க குலம், கோத்திரம் என்னன்னு எனக்கு ஒரு லிஸ்டு வேணும்ப்பா. நான் ஒரு பகுத்தறிவாதி. எனக்கு இந்த ஜாதி, மதமெல்லாம் கிடையாது. என் போன்டாட்டி என்னோட ஜாதியாவே இருக்கிறது என்னோட தப்பில்ல. எங்க ஊட்டுல கட்டி வெச்சிட்டாங்க. என்னோட நாலாவது வைப்பாட்டி ஒரு தாழ்ந்த ஜாதிக்காரர் தான். என்னோட ரெண்டாவது துணைவியோட மூத்த பையன் சம்சாரம் எங்க சாதின்னு சொன்னாலும், அவங்களோட பையன் கட்டிக்கிட்டது ஒரு ஐயர் பொண்ணைத் தான். எதுக்கு சொல்ல வர்ரேன்னா, எனக்கு இந்த ஜாதி வித்தியாசம் பாக்குறது எல்லாம் புடிக்கவே புடிக்காது. ஆனா நாளைக்கே நடிகனாகி, அரசியல்வாதியாகிட்டா எதிர்கட்சிக்காரன்களை திட்டி கவிதை எழுதணும். அதுக்காக அவங்க எந்த ஜாதின்னு ஒரு லிஸ்ட் வேணும். தயார் பண்ணி அனுப்பூங்கப்பா.

என்ன செய்யலாம்? (2)

அ.இ.க.ச.மா.மு.க. க.க.அ.ர.க.ம.க. ப.அ.க.உஎ.க.டு.ம.க ல.க.ரு.க.ம.க ட.டொ.டி.டை.டூ.க மு.பு.கொ.எ.க - கட்சி ஆரம்பிச்சா பேரு வைக்கணுமில்ல.

பொம்பள கொழந்தையா இருந்தா பிரேமா, அடடே ஆம்பளக் கொழந்தையா பிரேமானந்தான்னு வையின்னு சொல்லிட்டு போவ இது என்ன தொண்டனோட கட்சியா? மண்டய பிச்சுகிட்டு உட்காந்திருக்கேன் மக்கா. மச்சான், மாப்ளே, தங்கமணி, அவங்க சொந்தக்காரங்க எல்லாரையும் கூப்பிட்டு பொதுக்குழுவில விசாரணைய வெச்சு கட்சிக்கு பேரு யோசிக்கணும்பா.