என் மயிரினும் கீழான மக்களே.

உங்கள் மீது என் மயிரின் மீது வைத்திருக்கும் மதிப்பை விட பல அளவு கீழாகத்தான் வைத்திருக்கிறேன். 

ஆமாம்.

ஒரு நாளைக்கு பல முறை பார்த்து பார்த்து தலை வாறிக்கொள்கிறேன். அதை விட உங்கள் மீது மதிப்பு அதிகம் வைத்தால் நயா பைசாவிற்கு பிரயோசனம் உண்டா என்ன?

கூடிய சீக்கிரம் நான் சினிமாவில் நடிக்கப் போகிறேன். இரண்டு படங்கள் ஊத்திக் கொண்டவுடன் அரசியலில் குதிக்கப் போகிறேன். அரசியல் சாக்கடையை சுத்தப் படுத்தப் போகிறேன். எப்படி என்பதை இப்போது சொல்ல மாட்டேன். அதை சொல்லிவிட்டால் அனைத்து கட்சியினரும் அதை காப்பி அடித்து விடுவார்கள்.

அரசியலில் பப்பு வேகாவிட்டால் இருக்கவே இருக்கிறது உலகத் தமிழர்கள் பிரச்னை. தமிழனுக்கு எங்கே தான் பிரச்னை இல்லை? உள்ளூர்த் தமிழர்கள் எல்லாம் குலு குலுவென வாழ்ந்து வருவதால் சர்வதேச தமிழர்கள் பிரச்னையை கையில் எடுத்துக் கொண்டு அவர்கள் பிரச்னைக்காக சாகும் வரை உண்ணாவிரதம் நான்கு நாட்கள் நடத்தப் போகிறேன். அதற்கும் சரிவராவிட்டால் உள்ளூர் பஸ்களை உடைப்போம், ரயிலை நிப்பாட்டுவோம், சகஜ நிலையை நாசமாக்குவோம். உள்ளூர்த் தமிழர்களின் அன்றாட வாழ்க்கை எப்படி போனால் என்ன, எங்களுக்கு தேவை உலகத் தமிழர்களின் நிம்மதி மட்டும் தான். முதல் பதிவுக்கு இவ்வளவு போதும், மீதியை விரைவில் பார்ப்போம்.