தட்சிணாமூர்த்தியின் நகைச்சுவை உண்ணாவிரதம் (41)

"தலைவரே, மோசம் போயிட்டோம்"

"என்னய்யா அது?"

"உளவுத் துறை ரிப்போர்ட்படி நமக்கு நாப்பதுலயும் நாமம் தானாம்"

"என்னய்யா சொல்ற?"

"ஆமாம். சாதாரணமாவே நம்ம ஆட்சி மேல மக்களுக்கு ஏகக் கடுப்பு. கடைசியா இலங்கை பிரச்னை வேற இப்போ ரொம்பவே ஆட்டிப்படைக்குது"

"இப்படி ஆவும்னு முன்னமே தெரிஞ்சிருத்ந்தா 'நாங்க ஆட்சிக்கு வந்தா தனி ஈழம் அமைய ஆதரவளிப்போம்னு' சொன்ன ஆண்டிப் பண்டார கட்சிக்கிட்ட ஓடியிருக்கலாமேய்யா"

"ஹூம். டூ லேட் தலைவரே. அந்தம்மா தானாவே அந்த அறிக்கையெல்லாம் விட்டுடிச்சி. நீங்க என்னடான்னா 'நண்பரு. துரோகி, போராளி, பெருச்சாளின்னு' காமெடி பண்ணிட்டு இருக்கீங்க. நீங்க பண்ற காமெடியினால வடிவேலுவுக்கு இப்போவெல்லாம் படத்துலே சான்ஸே கெடைக்கலயாம். எப்பவும் ஆட்சி போனப்புறம் படத்துக்கு வசனம் எழுதுறேன் பேர்வழின்னு படுத்தி எறிவீங்க. இனிமே காமெடியனா நடிங்க. சூப்பரா பொருந்திடும்"

"என்னய்யா செய்யலாம்?"

"பேசாம கூட்டணியில இருந்து வெளில வந்திடுங்க. ரெண்டு மூணு சீட்டாவது ஜெயிக்கலாம். புள்ள, பேரனெல்லாம் டெபாசிட் காலியானா நல்லாவா இருக்கும்?"

"இனிமே வர முடியாதேய்யா"

"உங்களுக்கா தெரியாது? உண்ணாவிரதம் இருக்கேன்னு உட்காந்திடுங்க. அவங்களாவே தொறத்திடுவாங்க. 'ஐயையோ.. கொல்றாங்களே'ன்னு சவுண்டு விட்டுக்கலாம்"

"சூப்பர் ஐடியாய்யா. வாழ்க்கையிலயே இப்போ தான் உருப்படியா ஒரு யோசனை சொல்லிருக்க"

'ஐயையோ கொல்றாங்களே.. ஐயையோ கொல்றாங்களே' - சப்தத்தைக் கேட்டு உடனடியாக இத்துப் போன டி.வி & பேரன் டி.வி.களில் 'அராஜக மத்திய அரசு அட்டகாசம்' என்று செய்தி ஓடுகிறது.

போலீஸ் Vs. சிபிஐ Vs. றா (27)

நம்ம போலீஸ், மத்திய புலனாய்வுத்துறை, றா மூணு அமைப்புக்கும் திடீர்ன்னு போட்டா போட்டி வந்திடுச்சாம். யாரு பெரிய ஆளுன்னு தெரிஞ்சுக்க.

நம்ம பெரிய மனுசங்க எல்லாம் அவங்களை கூப்பிட்டு, "இதோ பாருங்கப்பா, உங்க மூணு அமைப்புல யாரு ரொம்ப தெறமசாலின்னு கண்டுபிடிக்க ஒரு போட்டி வெக்கிறோம். அதில யாரு ஜெயிக்கிறீங்களோ, அவங்க தான் பெரிய ஆளூங்க" அப்படீன்னு சொல்லியிருக்காங்க.

போட்டி என்னான்னா, ஒரு முயலைப் புடிச்சு, காட்டுக்குள்ள விட்டுட்டாங்க. போய் தேடிக் கண்டுபுடிச்சு தூக்கியாரணும்ன்னு உத்தரவு.

முதல்ல நம்ம றா ஆளுங்க ரெடியாகியிருக்காங்க. காட்டோட மேப் வேணும்ன்னு கவர்மெண்ட்டுக்கு சொல்லி அனுப்பிட்டு, காட்டுக்கு பக்கத்தில வேற யாராச்சும் நிம்மதியா இருக்காங்களா, அவங்களை விடக்கூடாது வாங்கடான்னு கெளம்பி போயிட்டாங்க.
அங்க உள்ள ஆளுங்களை புடிச்சு அடிச்சு, "போய் முயலைப் புடிச்சிட்டு வாங்கடா"ன்னு தொந்தரவு பண்ணியிருக்காங்க. இவனுங்க என்ன நோவாம நுங்கெடுக்க ஆசப்படுறாங்களேன்னு மக்கள் ஓட்டமா ஓடிடிச்சு.

அடுத்ததா நம்ம புலனாய்வுத் துறை. ஒரு பெரிய 'அமைதி' படையை கூப்பிட்டுக்கிட்டு காட்டு உள்ளார போணாய்ங்க. அவ்வளவு தான் தெரியும். காட்டு உள்ளார இருந்து 'குய்யோ, முறையோ'ன்னு ஒரே சப்தம். காட்டுல இருக்கிற அத்தனை மிருகங்களும் பின்னாடி பக்கம் பொத்திக்கிட்டு தல தெறிக்க ஓட்டம் எடுத்துக்கிட்டு இருந்திச்சு. என்னாடான்னு விசாரணய போட்டா நம்மாளுங்க, உள்ளே புகுந்து முருகங்களையும் விடலன்னு மெசேஜ் வந்திருக்கு. தலையில அடிச்சுகிட்டு அவங்களை பாதியிலயே திரும்ப வரச்சொல்லியாச்சு.

அடுத்ததா நம்ம காவல்துறை. உள்ளே போனாங்க. அடுத்த அரை மணிநேரத்தில ஒரு மான் குட்டிய புடிச்சு தர தரன்னு அடிச்சு இழுத்திட்டு வந்தாங்க. அந்த மான் ரத்தம் வழிய, "ஐயா, நான் தான் அந்த முயல், நான் தான் அந்த முயல்" அப்படீன்னு ஒப்புதல் வாக்குமூலம் கொடுத்துச்சு!