சாவே! உனக்கொரு நாள் சாவு வந்து சேராதோ?(44)

சீரிய நெற்றி எங்கே?
சிவந்தநல் இதழ்கள் எங்கே?
கூரிய விழிகள் எங்கே?
குறுநகை போன தெங்கே?
நேரிய பார்வை எங்கே?
நிமிர்ந்த நன்நடைதான் எங்கே?
நிலமெலாம் வணங்கும் தோற்றம்
நெருப்பினில் வீழ்ந்ததிங்கே

அம்மம்மா என்ன சொல்வேன்
அண்ணலைத் தீயிலிட்டார்
அன்னையைத் தீயிலிட்டார்
பிள்ளையைத் தீயிலிட்டார்
தீயவை நினையா நெஞ்சைத்
தீயிலே எரிய விட்டார்
தீய சொல் சொல்லா வாயை
தீயிலே கருகவிட்டார்.

பச்சைக் குழந்தை
பாலுக்குத் தவித்திருக்க
பெற்றவளை அந்தப்
பெருமான் அழைத்து விட்டான்
வானத்தில் வல்லூறு
வட்டமிடும் வேளையிலே
சேய்க் கிளியைக் கலங்கவிட்டு
தாய்க் கிளியைக் கொன்றுவிட்டான்


சாவே! உனக்கொரு நாள்
சாவு வந்து சேராதோ
சஞ்சலமே! நீயுமொரு
சஞ்சலத்தைக் காணாயோ
தீயே! உனக்கொரு நாள்
தீ மூட்டிப் பாரோமோ
யாரிடத்துக் போயுரைப்போம்?
யார் மொழியில் அமைதி கொள்வோம்?
யார் துணையில் வாழ்ந்திருப்போம்?
யார் நிழலில் குடியிருப்போம்?

வேரோடு மரம் பறித்த
வேதனை எம்மையும் நீ
ஊரோடு கொண்டு சென்றால்
உயிர்வாதை எமக்கிலையே
நீரோடும் கண்களுக்கு
நிம்மதியை யார் தருவார்
தலைவன் இல்லா நாட்டினை
நினைவில் யார் வைத்திருப்பார்?

ஐயையோ காலமே
ஆண்டவனே எங்கள் துயர்
ஆறாதே ஆறாதே
அழுதாலும் தீராதே

கை கொடுத்த நாயகனை
கைப் புறத்தே மறைத்தாயே
கண் கொடுத்த காவலனைக்
கண் மூட வைத்தாயே
கண்டதெல்லாம் உண்மையா
கேட்டதெல்லாம் நிஜம்தானா

கனவா கதையா
கற்பனையா அம்மம்மா
தலைவனா மறைந்தார், இல்லை!
நேர்மைக்குச் சாவே இல்லை!
அழிவில்லை முடிவுமில்லை
அன்புக்கு மரணமில்லை
இருக்கின்றார் தலைவன்
இங்கே தான்!
இங்கே தான்!

எம்முயிரில் - இரத்தத்தில்
இதயத்தில் நரம்புகளில்
கண்ணில் - செவியில்
கைத்தலத்தில் இருக்கின்றார்
எங்கள் தலைவன்
எமைவிட்டுச் செல்வதில்லை
என்றும் அவர் பெயரை
எம்முடனே வைத்திருப்போம்
அம்மா.... அம்மா.... அம்மா....


நன்றி : விகடன் & கவியரசு கண்ணதாசன்

(சற்றே மாற்றம் செய்யப்பட்டது)

தமிழினத் தலை - பெயர் மாற்றம் (43)

தனக்குத் தானே 'தமிழினத் தலை'ன்னு பெயர் வைத்துக் கொண்ட பெரிசின் பெயரை இப்போது உலகமெங்கும் உள்ள தமிழர்கள் இப்படித் தான் உச்சரிக்கிறார்கள்.

- தமிழீனத் தலைவன் (தமிழ் ஈனத் தலைவன்)

உனக்கு வந்தா ரத்தம், எனக்குன்னா மட்டும் தக்காளிச் சட்னியாடா? (42)

"என்னோட நைனாவுக்கு உடம்பு சரியில்லன்றத அந்தம்மா நையாண்டி பண்ணுது" என்று ஒரு ஆள் ஊர் முழுக்க புலம்பி வருகிறார்.

எம்.ஜி.ஆர். அமெரிக்க மருத்துவமனையில் இருந்த போது இவரோட நைனா இங்கே என்னவெல்லாம் கதை அளந்தார். அப்போது 'பொது வாழ்வில்' இருந்ததாக இருந்த இந்த நபர் என்னத்த புடுங்கிக் கொண்டிருந்தார். 'நைனா, நைனா, தமிழ்ப் பண்பாட்டின்படி நாம் அப்படியெல்லாம் பேசக்கூடாது' என்று அட்வைஸ் செய்திருக்க வேன்டியது தானே?

வடிவேலு சொல்ற மாதிரி, 'உனக்கு வந்தா ரத்தம், எனக்குன்னா மட்டும் தக்காளிச் சட்னியாடா?'

தட்சிணாமூர்த்தியின் நகைச்சுவை உண்ணாவிரதம் (41)

"தலைவரே, மோசம் போயிட்டோம்"

"என்னய்யா அது?"

"உளவுத் துறை ரிப்போர்ட்படி நமக்கு நாப்பதுலயும் நாமம் தானாம்"

"என்னய்யா சொல்ற?"

"ஆமாம். சாதாரணமாவே நம்ம ஆட்சி மேல மக்களுக்கு ஏகக் கடுப்பு. கடைசியா இலங்கை பிரச்னை வேற இப்போ ரொம்பவே ஆட்டிப்படைக்குது"

"இப்படி ஆவும்னு முன்னமே தெரிஞ்சிருத்ந்தா 'நாங்க ஆட்சிக்கு வந்தா தனி ஈழம் அமைய ஆதரவளிப்போம்னு' சொன்ன ஆண்டிப் பண்டார கட்சிக்கிட்ட ஓடியிருக்கலாமேய்யா"

"ஹூம். டூ லேட் தலைவரே. அந்தம்மா தானாவே அந்த அறிக்கையெல்லாம் விட்டுடிச்சி. நீங்க என்னடான்னா 'நண்பரு. துரோகி, போராளி, பெருச்சாளின்னு' காமெடி பண்ணிட்டு இருக்கீங்க. நீங்க பண்ற காமெடியினால வடிவேலுவுக்கு இப்போவெல்லாம் படத்துலே சான்ஸே கெடைக்கலயாம். எப்பவும் ஆட்சி போனப்புறம் படத்துக்கு வசனம் எழுதுறேன் பேர்வழின்னு படுத்தி எறிவீங்க. இனிமே காமெடியனா நடிங்க. சூப்பரா பொருந்திடும்"

"என்னய்யா செய்யலாம்?"

"பேசாம கூட்டணியில இருந்து வெளில வந்திடுங்க. ரெண்டு மூணு சீட்டாவது ஜெயிக்கலாம். புள்ள, பேரனெல்லாம் டெபாசிட் காலியானா நல்லாவா இருக்கும்?"

"இனிமே வர முடியாதேய்யா"

"உங்களுக்கா தெரியாது? உண்ணாவிரதம் இருக்கேன்னு உட்காந்திடுங்க. அவங்களாவே தொறத்திடுவாங்க. 'ஐயையோ.. கொல்றாங்களே'ன்னு சவுண்டு விட்டுக்கலாம்"

"சூப்பர் ஐடியாய்யா. வாழ்க்கையிலயே இப்போ தான் உருப்படியா ஒரு யோசனை சொல்லிருக்க"

'ஐயையோ கொல்றாங்களே.. ஐயையோ கொல்றாங்களே' - சப்தத்தைக் கேட்டு உடனடியாக இத்துப் போன டி.வி & பேரன் டி.வி.களில் 'அராஜக மத்திய அரசு அட்டகாசம்' என்று செய்தி ஓடுகிறது.

தமிழ் எங்கள் உயிர் மூச்சு(40)

தேர்தல் அறிக்கைகளை இரண்டு பிரதான கட்சி இணைய தளங்களில் ஏற்றியிருக்கிறார்களா என்று பார்க்க வலம் வந்தேன்.

தி.மு.க. தனது 28 பக்க அறிக்கையை ஆங்கிலத்தில் (மட்டும்) வைத்திருக்கிறார்கள். (தமிழ்ப்பற்றாளர் கட்சியல்லவா அதான்!)

அ.தி.மு.க. 48 பக்க அறிக்கையை தமிழிலும், ஆங்கிலத்திலும் வைத்திருக்கிறார்கள்.

என்னாது?!(39)

mdmkonline.com

mdmkonline.com வெப்சைட் பக்கம் போனப்ப கண்ணுல பட்டுச்சு!

ம.தி.மு.க. கூட்டணியாம்!

ஹிஹி, அன்புச் சகோதரி இத பாக்கணும். அப்புறம் இருக்குது கதை!

'மேற்படியான்' மண்டயப் போட்டா வருந்துவீங்களா மாட்டீங்களா? (38)

வயசாக வயசாக கிழத்துக்கு ரொம்பவே புத்தி பேதலிச்சிடுச்சுன்னு ரொம்ப பேரு சொல்றாங்க.

அட போங்கப்பா, என்னைக்கு கிழவன் ஒழுங்கா பேசியிருக்காரு, இப்போ மாத்தி பேச.

முன்னவெல்லாம் வாரத்துக்கு ஒரு தபா அந்தர் பல்டி, இப்பவெல்லாம் நொடிக்கு ஒரு தடவ அந்தர் பல்டி.

கண்றாவி இங்கிலீஸ் புரிஞ்சு தொலைக்கலைன்னா வந்த டி.வி.காரன் கிட்ட தமிழிலே கேள்வி கேளுப்பான்னு சொல்லித் தொலைக்க வேண்டியது தானே.

இப்போ திரித்து கூறீவிட்டார்கள்ன்னு சொல்லி ஒட்டு மொத்த இந்தியாவே இந்த ஆளப் பாத்து கை கொட்டி சிரிக்குது.

அது சரி, ஒரு நபர் உயிரோடு இருக்கும் போதே அவரை கொலை செஞ்சா வருந்துவேன்னு சொல்றதையெல்லாம் என்ன செய்யலாம்?

அதே கேள்விய இவரப் பாத்து அடுத்தவங்க கேக்குறதுக்கு எம்புட்டு நேரமாவும்?